Isroil G‘azoda keng ko‘lamli quruqlik operasiyasiga tayyorlanmoqda

Bu haqda The Wall Street Journal manbalarga tayanib xabar berdi.

Uning ma’lumotlariga ko‘ra, yahudiy davlati rahbariyati Falastin anklavining muhim qismini qo‘lga kiritish va ushlab turish unga “Xamas” radikal harakati ustidan yakuniy g‘alabaga erishish imkonini beradi, deb hisoblamoqda. Nashr ta’kidlaganidek, Isroil bosh vaziri Binyamin Netanyaxu va uning yaqin doiralari Amerikaning yangi ma’muriyatining hujumkor harakatlari va Livandagi “Hizbulloh” tashkilotining zaiflashuvi ko‘magida Isroil armiyasi bunday harbiy amaliyotlarni o‘tkazish uchun yetarli imkoniyatlarga ega, deb hisoblaydi.

Shu bilan birga, XAMAS ustidan yakuniy g‘alabaga erishish uchun Isroil harakatning yer osti tunnellari va boshqa infratuzilma ob’ektlarini butunlay yo‘q qilishi kerak bo‘ladi, bu bir necha oy va hatto yillar davom etishi mumkin. Netanyaxuning yangi strategiyasi muxoliflarining fikricha, mojaroni siyosiy yo‘lga qo‘ymasdan turib, radikal tashkilotni yo‘q qilish shunchaki imkonsiz bo‘ladi.