Isroil armiyasi Tehrondagi IIQK havo kuchlari qo‘mondonlik markaziga zarba berdi

Isroil Mudofaa Kuchlari Tehrondagi Islom Inqilobi Qo‘riqchilari Korpusi (IIQK) Harbiy-havo kuchlarining asosiy qo‘mondonlik markaziga zarba berdi.

Bu haqda Isroil armiyasi matbuot xizmati e’lon qildi.

"Kechqurun qo‘mondonlik markazi Isroil Harbiy-havo kuchlari tomonidan Tehronga amalga oshirilgan bir qator havo hujumlari paytida zarba oldi", deyiladi bayonotda.

Isroil armiyasi ma’lumotlariga ko‘ra, qo‘mondonlik markazi IIQK Havo mudofaasi bo‘linmasiga xizmat qilgan, uning vazifasi "havo kuzatuvini amalga oshirish va Eron havo hududini himoya qilishdir".

Isroil harbiylarining ma’lumotlariga ko‘ra, zarbalar Eron havo mudofaasi tizimlari, shtab-kvartiralari, logistika omborlari va qo‘mondonlik markazi yaqinidagi boshqa binolarga qaratilgan.

Bundan tashqari, bir qator zarbalar doirasida Isroil IIQKning "Quds" kuchlari uchun qurol ombori joylashgan ballistik raketa ishlab chiqarish va uchirish inshootiga zarba berdi.