Iroq jiddiy suv tanqisligiga duch kelmoqda

Iroq kuchli qurg‘oqchilik va qo‘shni davlatlardan suv oqimining kamayishi fonida o‘tkir suv tanqisligiga duch kelmoqda.

Bu haqda Iroq qishloq xo‘jaligi vazirligi maslahatchisi Mahdi Damad ma’lum qildi.

Uning so‘zlariga ko‘ra, 2019 yilda kuchli yog‘ingarchilik tufayli suv zaxiralari 65 milliard kub metrga yetgan, biroq ayni paytda qo‘shni davlatlardan, ya’ni Eron va Turkiyadan suv oqimi nihoyatda kam, yog‘ingarchilik miqdori esa juda kamligicha qolmoqda.

“Viloyatlarga ichimlik suvi yetkazib bera olmaslik, yer osti suvlari zahiralarining tugashi jiddiy xavf tug‘dirmoqda”, — dedi rasmiy.

Vazirlik maslahatchisi Iroq mamlakat uchun suv resurslarining to‘liq hajmini ta’minlash maqsadida qo‘shni davlatlar bilan muzokaralar olib borish uchun vakolatli muzokaralar guruhini shakllantirishi zarurligini ta’kidladi.

Iroq rasmiylari mavjud inqirozni nafaqat iqlim o‘zgarishi, balki Turkiya va Eronning Dajla va Furot daryolarida to‘g‘on qurishi bilan ham izohlamoqda, bu esa mamlakat aholisini ta’minlashda muhim rol o‘ynaydi. Iroq suv vaziri Aun Diab jiddiy suv tanqisligi tufayli ekin yetishtirishda uzilishlar bo‘lishi mumkinligi haqida ogohlantirdi.