Iqtisodiyot vaziri: "Eronda asosiy iste’mol tovarlari bilan bog‘liq muammolar yo‘q"

Eron aholisini asosiy iste’mol tovarlari bilan ta’minlashda hech qanday muammoga duch kelmayapti.

Bu haqda Eron iqtisodiyot vaziri Seyid Ali Madanizod ma’lum qildi.

"Iqtisodiy urushdan kelib chiqadigan cheklovlarga (AQSh sanksiyalari va Eron portlarining blokadasi) qaramay, mamlakatda asosiy iste’mol tovarlarini yetkazib berishda hech qanday muammo yo‘q”, deb ta’kidladi u.

Madanizodning so‘zlariga ko‘ra, mamlakat rasmiylari sanoat xomashyosini ta’minlashning muqobil yo‘llarini o‘rganmoqda.

“Rossiyaga tashrifimiz davomida biz savdo yo‘laklari va logistika infratuzilmasini qurishni yakunlash masalasini muhokama qildik. Biz rasmiylar va tadbirkorlar bilan muzokaralar olib bordik, shuningdek, bojxona, soliq va moliyaviy aloqalarni ham ko‘rib chiqdik”, deb qo‘shimcha qildi iqtisodiyot vaziri.