O‘tgan yili Tojikiston Ichki ishlar vazirligi 30 nafar xodimni ortiqcha vaznga ega bo‘lgani uchun ishdan bo‘shatgan edi. Bir yil o‘tgach, ulardan faqat 13 nafari vazn yo‘qotishga muvaffaq bo‘ldi va xizmatga qaytdi.
Bu haqda Tojikiston Ichki ishlar vazirligining kadrlar va shaxsiy tarkib bilan ishlash boshqarmasi boshlig‘i Husayn Xalilzoda ma’lum qildi. Unga ko‘ra, 20 ming kishi jismoniy tayyorgarligi tekshiruvidan o‘tkazildi va ulardan 30 nafari ishdan bo‘shatildi, biroq agar ular me’yorgacha vazn yo‘qotsa, qayta tiklanishi mumkin.
Ichki ishlar vazirligi qoidalariga ko‘ra, Tojikiston polisiyasiga bo‘yi 168 sm va undan yuqori bo‘lgan erkaklar, shuningdek, bo‘yi 160 sm va undan yuqori bo‘lgan ayollar qabul qilinadi. Ularning vazni balandligiga mos kelishi va ma’lum chegaralardan oshmasligi kerak.
