Transport vaziri o‘rinbosari Jasurbek Choriyev «Hyundai Rotem» kompaniyasining «“Global Rail Group» rahbari Kvak Chol Xun boshchiligidagi delegasiya vakillari bilan uchrashdi.
Uchrashuvda tomonlar zamonaviy elektropoyezdlarni ishlab chiqarishni mahalliylashtirish loyihasi yuzasidan fikr almashdi.
Xususan, Janubiy Koreyaning KORAIL kompaniyasi tomonidan bugungi kunda ekspluatasiya qilinayotgan elektropoyezdlar turini «Toshkent yo‘lovchi vagonlarni qurish va ta’mirlash zavodi» AJda mahalliylashtirish orqali ishlab chiqarish taklifi yuzasidan taqdimot o‘tkazildi.
Mahalliylashtirish asosida ishlab chiqarish taklif qilinayotgan elektropoyezdlarning asosiy texnik xususiyatlari bo‘yicha ma’lumotlar taqdim etildi.
Uchrashuv yakunida tomonlar loyiha bo‘yicha qo‘shimcha imkoniyatlarni o‘rganish, takliflarni tahlil qilish va yangi ishlab chiqarish hududlarini ko‘zdan kechirishni kelishib olishdi.
Dunyodagi eng keksa timsoh — 1900 yildan beri tirik va 10 000 dan ortiq naslning otasi bilan tanishing
Rossiyaning "o‘lim savdogari" ishga qaytdi
Milliy gvardiya polkovnigi vafot etdi
