«Transfermarkt» portali sahifalarida «An-Nasr»ning yulduz hujumchisi Krishtianu Ronalduning narxi yangilandi. Portugaliyalik hozirda 12 million yevroga baholanmoqda. Oxirgi yangilanishlarga ko‘ra, Krishtianu uch million qiymatini yo‘qotdi. Ya’ni, 15 million yevrodan 12 million yevroga pastladi.
«Transfermarkt» Ronalduga birinchi marta 2004 yil oktyabr oyida narx belgilagan. O‘shanda portugaliyalik 18 million yevroga baholangandi. Ma’lum bo‘lishicha, ushbu nufuzli portalning baholari haqida gapiradigan bo‘lsak, Krishtianuning narxi endi tarixdagi eng past narxga aylangan.
Ronalduning eng yuqori narxi 2014-2015 yillarda bo‘lgan - 120 million yevro.
