Ho‘rmuz bo‘g‘ozi yaqinida so‘nggi bir sutka ichida snaryadlar kelib tegishi oqibatida konteyner tashuvchi kema va quruq yuk tashuvchi kema cho‘kib ketdi.
Bu haqda Reuters agentligi xabar bermoqda.
Ma’lum qilinishicha, Singapur bayrog‘i ostida suzuvchi GFS Pride konteyner kemasi bo‘g‘ozdan o‘tayotgan vaqtda shikastlangan va yong‘in kelib chiqqan. Keyinchalik kema cho‘kib ketgan.
Singapur Dengiz va port ma’muriyati ma’lumotiga ko‘ra, kemadagi 21 nafar ekipaj a’zosining barchasi evakuasiya qilingan. Hodisa oqibatida hech kim jabrlanmagan.
Shuningdek, Antigua va Barbuda bayrog‘i ostidagi Cape Dao quruq yuk tashuvchi kemasi ham Ho‘rmuz bo‘g‘ozi yaqinida cho‘kib ketgan.
Mazkur kemaga hujum 23 sentyabr kuni amalga oshirilgan edi. O‘shanda ekipaj a’zolaridan biri halok bo‘lgan, qolganlar esa hujumdan so‘ng darhol evakuasiya qilingan.
Reuters ma’lumotiga ko‘ra, so‘nggi o‘n kun davomida Ho‘rmuz bo‘g‘ozi atrofida kemalarga hujumlar soni oshgan.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
