Hokim o‘rinbosariga nisbatan jinoyat ishi ochildi

Farg‘ona viloyatida 25 noyabr kuni Buvayda tumani hokimining o‘rinbosari S.X. Nayman zovuri atrofida daraxtlar kesilayotganini ko‘rib, bu ishni to‘xtatishga uringan Ekologiya qo‘mitasi inspektorining qonuniy talablariga faol qarshilik ko‘rsatgan. U inspektorni hodisa joyidan kuch bilan olib ketgani ham bildirilgan.

Shu bois S.X. va boshqalarga nisbatan quyidagi moddalar bilan jinoyat ishi qo‘zg‘atildi:
206-moddani 1-qismi — mansab vakolatini suiiste’mol qilish;
219-moddani 2-qismi — hokimiyat vakiliga qarshilik ko‘rsatish;
198-moddani 2-qismi — daraxt va o‘simliklarga zarar yetkazish kabi moddalar bilan jinoyat ishi ochildi.
Tergov boshlangan va u Bosh prokuror nazoratiga olingan.