Hindistondagi pirotexnika fabrikasida sodir bo‘lgan portlashda o‘nlab odamlar halok bo‘ldi

Hindistonning janubidagi Tamil Nadu shtatidagi Virudxunagar tumanidagi Kattanarapatti qishlog‘ida joylashgan pirotexnika fabrikasida sodir bo‘lgan portlash oqibatida kamida 23 kishi halok bo‘ldi va olti kishi jarohat oldi.

Bu haqda India Today nashri xabar bermoqda.

Ma’lumotlarga ko‘ra, rasmiylar 19 kishining jasadini aniqladilar. Bundan tashqari, qutqaruv operasiyasida ishtirok etgan 13 kishi yengil jarohatlar bilan kasalxonaga yotqizildi va yaralanganlardan olti nafari reanimasiya bo‘limiga yotqizildi, deb xabar beradi tuman ma’muri N.O. Sukxaputra.

Dastlabki ma’lumotlarga ko‘ra, fabrika noqonuniy faoliyat yuritgan. Jinoyatchilarni topish va qo‘lga olish uchun to‘rtta maxsus guruh tuzilgan.

Nashrning ta’kidlashicha, bu tumanda bunday birinchi hodisa emas. Faqat 2024 yilda shunga o‘xshash fabrikalarda ikkita portlash 14 kishining hayotiga zomin bo‘ldi va yana sakkiz kishi jarohat oldi.