Himolay tog‘larining Himlung Himal mintaqasida yuz bergan ko‘chkidan so‘ng kamida 14 nafar nepallik alpinist bedarak yo‘qoldi. Bu haqda Kathmandu Post nashri sayohatni tashkil etgan kompaniyaga tayanib xabar berdi.
Yomon ob-havo hozirda vertolyotlarning 7100 metr balandlikdagi tog‘ cho‘qqisiga chiqishiga to‘sqinlik qilmoqda. Vertolyotlar Katmandu va Pokxarada tayyor holatda, ammo ular jo‘nab keta olmaydi.
Himalayan Holidays Trekking sayyohlik agentligi rahbari Bibhuti Chand Thakurning so‘zlariga ko‘ra, guruhning 22 a’zosidan sakkiztasi bilan aloqa o‘rnatildi.
Alpinizm mashg‘ulotlarida ikki guruh ishtirok etayotgan edi. Gidlar va yordamchi xodimlardan iborat nepallik jamoa xorijiy guruhdan oldin jo‘nab ketdi. Ularga lagerni tayyorlash, yo‘nalishni tozalash va arqonlarni o‘rnatish vazifasi yuklatilgan edi.
Xorijiy alpinistlar besh-olti kun ichida yetib kelishi kutilgan edi. Birinchi guruh bilan aloqa bugun ertalab uzildi.
Rossiyada bir hafta ichida kasallanganlar soni qariyb 1 millionga yetdi
Netanyaxu nutqi paytida zalni tark etgan davlatlar ro‘yxati
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
