HAMAS o‘z qurollarini BMT nazorati ostidagi tuzilmaga topshirishga rozi bo‘ldi va bu haqda AQShni xabardor qildi

Bu haqda Al Arabiya xabar bermoqda.

"Shuningdek, HAMAS halok bo‘lgan isroilliklarning jasadlarini to‘plashni boshlaganini bildirdi va bu ishni tugatish uchun bombardimonlarni to‘xtatishni so‘radi", deya xabar bermoqda telekanal harakat vakiliga tayanib.

HAMAS vakili harakat Qatar orqali Qo‘shma Shtatlardan G‘azo sektoridagi Isroil kuchlarini butkul olib chiqish bo‘yicha kafolat olganini ham ta’kidladi.

Al Hadath telekanalining xabar berishicha, HAMAS G‘azoda ushlab turilgan barcha tirik isroilliklarni bir vaqtning o‘zida topshirishga ham tayyor.

"Bu boradagi muzokaralar hozirda ham davom etmoqda", — deya ma’lum qildi AQSh Davlat kotibi Marko Rubio.