AQSh prezidentining elchisi Stiv Uitkoff va Amerika yetakchisining kuyovi Jared Kushner Moskva va Kiyevga Rossiya-Ukraina urushini tugatish bo‘yicha muzokaralar doirasida yon berishlari uchun bosim o‘tkazmoqda.
Bu haqda Amerikaning Axios portali ma’lum qildi.
Ukraina rahbari Vladimir Zelenskiy avvalroq Uitkoff va Kushner bilan telefon orqali suhbat o‘tkazib, uni “uzoq va mazmunli” deb atagan edi. Axios jurnalistining ismi oshkor etilmagan manbalarga tayangan holda xabar berishicha, ikkalasi hududiy masalalar va Ukraina uchun Amerika kafolatlarini muhokama qilgan.
Hududiy muhokamalar oson kechmagan, deydi manbalardan biri. Rossiya Ukrainadan o‘z qo‘shinlarini Donbasning o‘zi nazorat qilgan qismidan olib chiqib ketishni talab qilishda davom etmoqda. "Ammo AQSh bu muammoni yengish uchun yangi g‘oyalarni ishlab chiqishga harakat qilmoqda", deb yozadi Axios ikkinchi manbaga tayanib.
Boshqa tomondan, AQSh va Ukraina xavfsizlik kafolatlari masalasida sezilarli yutuqlarga erishdi va kelishuvga yaqin, ammo “har ikki tomon xavfsizlik kafolati loyihasini xuddi shunday talqin qilishini” ta’minlash uchun qo‘shimcha ish olib borish zarurligi qayd etilgan maqolada.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Pensionerlar yer va mol-mulk solig‘idan ozod etildimi?
