HAMAS Isroilni ogohlantirdi: G‘azo yopiq, lekin iroda sinmas!

HAMAS yordamdan "siyosiy tazyiq vositasi" sifatida foydalanishni qoralaydi, falastinliklarning irodasi sinmasligini ta’kidlaydi.

HAMAS yangi bayonotida Isroil G‘azo sektoriga insonparvarlik yordami va asosiy mahsulotlar kiritilishiga to‘sqinlik qilishni davom ettirayotganini ma’lum qildi.

Falastin tashkiloti G‘azoga o‘tish yo‘llaklarining yopilishini o‘t ochishni to‘xtatish kelishuvi va xalqaro huquqning buzilishi deb atadi hamda bu begunoh tinch aholining hayotiga tahdid solayotganini ta’kidladi.

"Biz vositachilarni bosqinchilarga o‘z majburiyatlariga rioya qilish va o‘tish yo‘llaklarini darhol ochish, gumanitar yordam oqimini ta’minlash hamda bosqinchi hokimiyatning xalqimizga qarshi amalga oshirayotgan jamoaviy jazolash siyosatiga chek qo‘yish uchun bosim o‘tkazishga chaqiramiz," dedi HAMAS.

"Biz yordamdan siyosiy tazyiq vositasi sifatida foydalanishni qoralab, bu tajovuzkor siyosat xalqimizning irodasini sindira olmasligini va bosqinchilik maqsadlariga erishishda muvaffaqiyatsizlikka uchrashligi muqarrarligini ta’kidlaymiz. Xalqimiz o‘zining qonuniy huquqlarini qo‘lga kiritmaguncha matonat va kurashni davom ettiradi."