Gvardiola "Manchester Siti"ga yangi sardor tayinladi

"Manchester Siti"ning yangi sardori etib Bernardu Silva tayinlandi. Bu borada jamoa bosh murabbiyi Xosep Gvardiola izoh berdi.

"Men uni bir sababga ko‘ra tanladim. O‘tgan mavsumda jiddiy muammolarga duch kelganimizda, u har doim yonimizda edi. U doim yonimda edi, har kuni mashq qilardi... holdan toyguncha. Bizda bor-yo‘g‘i 13-14 o‘yinchi va akademiya bor edi va har uch kunda mag‘lub bo‘lardik - va Bernardu doim yonimizda edi. U har doim mavjud edi. U bunga loyiq, chunki u har doim yordam berishga intilgan. U chap qanot himoyasida, o‘ng qanot himoyasida tayanch yarim himoyachisi sifatida o‘ynadi. U yaxshi sardor bo‘ladi," - dedi Gvardiola Sky Sports’ga.

Bernardu Silva "Manchester Siti"da sakkiz mavsum o‘tkazdi.