Gruziyada 58 kundan beri hukumatga qarshi norozilik namoyishlari davom etmoqda

Gruziyada 58 kundan beri hukumatga qarshi norozilik namoyishlari davom etmoqda.

Ommaviy axborot vositalari xabariga ko‘ra, kecha namoyishga teatr va kino vakillari chiqib, oldingi namoyishlarda hamkasblarining hibsga olinishiga qarshi norozilik bildirishgan. Aksiya ishtirokchilari parlament binosi oldidagi Rustaveli prospektini to‘sib qo‘ydi.

Tbilisi va Gruziyaning boshqa shaharlarida 58 kundan buyon norozilik namoyishlari davom etmoqda. Muxolifat parlament saylovlari natijalari va bosh vazir Irakliy Kobaxidzening Gruziyani Yevropa Ittifoqi bilan integrasiyasi jarayonini 2028 yilgacha to‘xtatib turish haqidagi qaroriga norozilik bildirib kelmoqda.