Grenlandiya kitlarida noyob oqsil topildi

Grenlandiya kitlarida inson umrini uzaytirishi va saraton kasalligini davolashi mumkin bo‘lgan oqsil topildi.

Yovvoyi tabiatda bu gigantlar 200 yildan ortiq yashaydi va ularning hujayralari soni juda ko‘p bo‘lishiga qaramay, saraton rivojlanish xavfi odamlarga qaraganda ancha past. Ma’lum bo‘lishicha, buning siri CIRBP nomli oqsilda, uning miqdori kitlarda boshqa sutemizuvchilarnikidan 100 baravar ko‘proq: u past haroratlarda faollashadi va shikastlangan DNKning regenerasiyasini kuchaytiradi.

Kit oqsili kiritilganidan so‘ng, inson hujayralarida ham regenerasiya va radiasiyaga qarshilik kuchaydi. Olimlarning fikricha, bu kashfiyot saraton kasalligini davolashning yangi usullariga va qarishni sekinlashtirishga olib kelishi mumkin.