Eron Islom inqilobi qo‘riqchilari korpusi (IIQK) “Haqiqiy va’da 4” operasiyasining 87-to‘lqinini amalga oshirdi.
Bu haqda Eron Islom inqilobi qo‘riqchilari korpusi matbuot xizmati e’lon qildi.
"Razvedka va operasion faoliyat natijasida Eron Islom inqilobi qo‘riqchilari korpusi dengiz kuchlari AQSh va Isroil qo‘mondonlari joylashgan to‘rtta ob’ektni vayron qildi”, deyiladi bayonotda. Shuningdek, Birlashgan Arab Amirliklaridagi Minhad aviabazasi tashqarisida tashkil etilgan qo‘mondonlik markazi nishonga olingani ta’kidlangan.
“Ushbu markazda 200 dan ortiq amerikalik qo‘mondonlar va o‘rta darajadagi zobitlar joylashgan edi”.
Yana bir qo‘shma operasiya davomida Eron Islom inqilobi qo‘riqchilari korpusi Bahrayndagi asosiy garnizon tashqarisidagi AQShning 5-flot qo‘mondonlari joylashgan yashirin joyga dron hujumi uyushtirgani haqida xabar berilgan.
“Uchinchi davlat bayrog‘i ostida suzib yurgan Isroilga tegishli konteyner kemasi ham Eron Islom inqilobi qo‘riqchilari korpusi dengiz flotining raketa hujumiga uchradi”, deyiladi bayonotda.
Shuningdek, Saudiya Arabistonidagi Dahran qirg‘og‘idagi baza tashqarisida joylashgan va F-16 qiruvchi samolyotlarini boshqarish uchun ishlatiladigan AQShga tegishli havo hujumidan oldingi ogohlantirish radar tizimiga zarba berilgani haqida xabar berilgan.
Eronda bir baqqol do‘koni oynasida shunday yozuv ilgan:
Go‘sht narxi keskin oshmoqda
Tramp Saudiya shahzodasi haqida keskin bayonot qildi
