Google Isroilning G‘azoga bostirib kirishi boshlanganidan beri Isroil harbiylariga o‘zining eng so‘nggi sun’iy intellekt texnologiyasidan foydalanish imkoniyatini berdi. Bu haqda Washington Post gazetasi olingan hujjatlarga tayanib xabar bermoqda.
2023 yil oktabr oyida mojaro boshlanganidan so‘ng, Google bulutli bo‘limi xodimi Isroil Mudofaa vazirligining kompaniyaning sun’iy intellekt vositalaridan foydalanish imkoniyatlarini kengaytirish bo‘yicha so‘rovlarini qo‘llab-quvvatladi. Xodimlardan biri muvaffaqiyatsizlik Amazon'ga mijozning yo‘qolishiga olib kelishi mumkinligi haqida ogohlantirdi.
Hujjatlarga ko‘ra, Isroil harbiylari o‘z ma’lumotlariga sun’iy intellekt algoritmlarini qo‘llash imkonini beruvchi Vertex AI platformasiga kirish huquqiga ega bo‘ldi. 2024 yil noyabr oyida Gemini AI texnologiyasidan foydalanish so‘rovi ham qilingan.
💰 Ushbu hamkorlik Google va Amazon Isroil hukumati va armiyasiga bulutli hisoblash va sun’iy intellekt xizmatlarini taqdim etadigan 1,2 milliard dollarlik «Nimbus loyihasi»ning bir qismidir.
Google o‘tgan yil davomida ichki noroziliklarga duch keldi, kompaniya Nyu-York va Kaliforniyadagi ofislarida loyihasiga norozilik bildirgani uchun 50 nafar xodimini ishdan bo‘shatdi.
❕ Bundan tashqari, Google o‘z xodimlarining Isroilni qo‘llab-quvvatlovchi amerikalik xayriya tashkilotlariga, shu jumladan Isroil armiyasini qo‘llab-quvvatlash jamg‘armasiga va Isroilga G‘arbiy Sohilni «qaytib olishga» yordam beradigan nasroniy sionistik guruhga xayriyalarini ikki baravar oshirayotgani ma’lum bo‘ldi.
Google, Amazon va Isroil armiyasi Washington Post xabariga izoh berishdan bosh tortdi.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Xitoyliklar orolni egalladi va tark etdi
"El-Klasiko" oldidan "Barselona" muxlislari uchun xushxabar bor
