Gonkong hukumati yong‘inda halok bo‘lganlarning oilalariga qancha miqdorda tovon to‘laydi?

Gonkong hukumati turar-joy majmuasida sodir bo‘lgan yong‘inda halok bo‘lganlar va jarohatlanganlarning oilalariga tovon to‘laydi.

Bu haqda Xitoy markaziy televideniyesi (CCTV) xabar berdi.

Ma’lumotlarga ko‘ra, har bir halok bo‘lganlarning oilalariga 200 ming Gonkong dollari (25 700 dollar), shuningdek, dafn marosimi xarajatlari uchun davlat yordami ajratiladi.

Voqea qurbonlarining har biriga avvaldan va’da qilingan 10 000 Gonkong dollari (1300 dollar) miqdorida to‘lovdan tashqari 50 000 Gonkong dollari (6 400 dollar) miqdorida nafaqa beriladi.

Barcha jabrlanganlarga bepul vaqtinchalik uy-joy beriladi.

Eslatib o‘tamiz, so‘nggi ma’lumotlarga ko‘ra, Gonkong turar-joy majmuasida sodir bo‘lgan yong‘inda halok bo‘lganlar soni 128 kishiga yetgan, 76 kishi, jumladan, 11 nafar o‘t o‘chiruvchi jarohat olgan.