DW nashrining yozishicha, Germaniya bir necha yildan buyon tibbiyot xodimlari yetishmovchiligiga duch kelmoqda: 2024 yilda parvarish sohasida 32 600 dan ortiq bo‘sh ish o‘rni to‘ldirilmagan holda qoldi. Bu xorijdan, jumladan, O‘zbekistondan mutaxassislar izlashga majbur qilmoqda. Berlin va Toshkent o‘rtasidagi migrasiya va mobillik to‘g‘risidagi kelishuvdan so‘ng O‘zbekistonga bo‘lgan qiziqish kuchaydi.
O‘zbekistonda tibbiyot kadrlari ortiqchaligi sababli, u yerdan allaqachon tayyorgarlikdan o‘tgan mutaxassislar jalb etilyapti. Bu ularning malakasini tan olish muddatini 1 yilgacha qisqartirish imkonini beradi.
Taqqoslash uchun: Vyetnamdan kelgan tibbiyot xodimlarini tayyorlash taxminan 3 yil vaqt oladi. Germaniya klinikalarining ta’kidlashicha, O‘zbekiston tayyorgarlik tizimi talablarga umuman olganda mos keladi, ammo mutaxassislar bemorlarni parvarish qilish sohasida qo‘shimcha ta’limga muhtoj.
Hamkorlik doirasida 2026 yilda til tayyorgarligidan B2 darajasigacha o‘tgan va kasbiy moslashuvdan o‘tayotgan 20 nafar tibbiyot xodimidan iborat birinchi guruhni qabul qilish rejalashtirilgan, deyiladi nashr xabarida.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
