Ukraina qurolli kuchlari iyul oyi oxirigacha Germaniya-Ukraina loyihasi doirasida birinchi uzoq masofali tizimlarni olishi mumkin.
Bu haqda Germaniya Mudofaa vazirligi qoshidagi Ukrainaga yordam ko‘rsatishni muvofiqlashtirish bo‘yicha ishchi guruhi rahbari, general-mayor Kristian Froyding ma’lum qildi.
Kiyevda bo‘lgan harbiyning ta’kidlashicha, Ukraina sanoati vakillari va Ukraina Mudofaa vazirligi o‘rtasida Germaniya tomonidan moliyalashtirilgan kelishuvni imzolash marosimi bir kun avval bo‘lib o‘tgan.
"Biz bu tashabbusni may oyining oxirida boshladik va bu tashabbus natijasida Ukraina Qurolli Kuchlari shu oyning oxirigacha birinchi uzoq masofali qurol tizimlarini oladi. Keyin esa uch xonali raqam bilan ifodalangan katta miqdorda va bu Ukraina havo mudofaasini sezilarli darajada kuchaytiradi" - dedi ZDF telekanali efirida.
Shu bilan birga, u Kiyevga “Rossiya hududiga chuqur kirib borish va omborlar, qo‘mondonlik punktlari, ayerodromlar, samolyotlarga hujum qilishga qodir bo‘lgan qurol tizimlari zarurligini” ta’kidladi. Uning so‘zlariga ko‘ra, Germaniya Ukrainani bunday qurol tizimlari bilan ta’minlashga tayyor.
Maktablarda 1 sentyabrdan smartfondan foydalanish taqiqlanadi
AQSh Kongressiga nomzod Valentina Gomes Qur’onni yoqib yubordi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
