Germaniyaning o‘ng qanot "Die Heimat" ("Vatan") partiyasidan Felten shahar kengashi a’zosi Robert Volinski jamoatchilik asosida Yevropa ishlari bo‘yicha vakil lavozimini egallaydi, deb xabar bermoqda Märkische Allgemeine nashri.
Brandenburg federal yeridagi ushbu shahar veb-saytida ko‘rsatilishicha, bu lavozim rasman "Evropa birligi va integrasiyasi g‘oyasini targ‘ib qilish" uchun mo‘ljallangan. Shu bilan birga, "Die Heimat" neonasistlarning Germaniya Milliy-demokratik partiyasi izdoshi hisoblanadi.
Die Welt nashrining qayd etishicha, yangi partiya yevroskeptisizm tarafdori bo‘lib, Yevropa Ittifoqi o‘rniga "suveren davlatlar o‘rtasidagi hamkorlikni" yoqlaydi. Partiya, shuningdek, Berlinning NATO'dan chiqishini va nemis markasining qaytarilishini talab qiladi. 2024 yilda Germaniya Konstitusiyaviy sudi partiyani olti yilga davlat moliyalashtiruvidan mahrum qilgan edi.
Aholisi 13 ming kishini
tashkil etuvchi Felten shahri Berlinning shimolida joylashgan. U yerda o‘ng "Die Heimat" partiyasi vakilining tayinlanishi deyarli muqarrar edi, chunki mahalliy shahar kengashida u, o‘ta o‘ngchi "Germaniya uchun muqobil" (AfD) partiyasi va unga yaqin bo‘lgan mahalliy saylovchilar ittifoqi vakillari jami 14 ta o‘rinni egallaydi. Holbuki, XDI konservatorlarida atigi uchta, sosial-demokratlar, So‘llar partiyasi va yana bir kengash a’zosidan iborat koalisiyada esa yettita o‘rin bor, deyiladi xabarda.
Eron 57 ta musulmon davlatidan iborat “Islom NATOsi” ni tuzishga chaqirdi
AQShda qush uyasi sababli xaridor o‘zi sotib olgan avtomobilga egalik qila olmayapti (foto)
Andijonda maktab o‘quvchilari o‘rtasida janjal kelib chiqdi
