Saudiyaning Al Hadath telekanali yuqori martabali manbalarga tayanib xabar berishicha, Eron yuqori darajada boyitilgan uran zaxiralarini Xitoyga topshirish sharti bilan ularni o‘z hududidan olib chiqishga tayyor.
Ma’lumotlarga ko‘ra, Tehron hozirda AQSh bilan kelishuv tuzishdan oldin Xitoydan xavfsizlik kafolatlari olishga harakat qilmoqda.
Boyitilgan urandan voz kechish Vashingtonning Eronga qo‘ygan asosiy talablaridan biri hisoblanadi.
2025 yil yozida Vladimir Putin Rossiya uranning bir qismini qayta ishlash uchun olib chiqib, keyinchalik uni Eron yadroviy ob’ektlariga qaytarishni taklif qilgan edi. 9 may kuni Rossiya prezidenti ushbu taklif hanuz amal qilishini tasdiqlagan.
18 may kuni Al-Hadath Eron ma’lum shartlar asosida boyitilgan uranni AQSh o‘rniga Rossiyaga topshirishga ham rozi bo‘lganini xabar qilgan edi.
Dmitry Peskov ma’lum qilishicha, Putin bu g‘oyani 19–20 may kunlari Xitoyga tashrifi chog‘ida Xi Jinping bilan ham muhokama qilgan.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Eron 57 ta musulmon davlatidan iborat “Islom NATOsi” ni tuzishga chaqirdi
Prezidentning yangi qarori qabul qilindi
