Germaniya Ozarbayjondan uzr so‘radi

Germaniya prezidenti Frank-Valter Shtaynmayer Instagram'dagi sahifasida Qorabog‘dagi bo‘lginchilar bayrog‘i suratini joylashtirganidan so‘ng Ozarbayjondan rasmiy uzr so‘radi . Ushbu post Shtaynmayerning Armanistonga tashrifi arafasida paydo bo‘lgan va tezda o‘chirib tashlangan.

Germaniya prezidenti kantsleri rahbari Dörte Dinger Ozarbayjon prezidenti maslahatchisi Hikmet Hajiyevga yo‘llagan maktubida nashrni texnik xato deb atadi va bu Ozarbayjonning hududiy yaxlitligini tan olgan Germaniyaning rasmiy pozisiyasini aks ettirmasligini ta’kidladi.

Boku Germaniya elchisini chaqirib, rasmiy izoh talab qildi.

Shtaynmayerning Armanistondan keyin Ozarbayjonga tashrifi ikki tomonlama munosabatlarni mustahkamlash va Janubiy Kavkazda tinchlik jarayonini qo‘llab-quvvatlashga qaratilishi kutilmoqda.

Armaniston va Ozarbayjon o‘rtasidagi taranglik 1991-yildan beri davom etmoqda. 2020-yilgi urush va 2023-yilda Qorabog‘dagi separatist ma’muriyat yakuniy tugatilishi ortidan tomonlar 2025-yilning mart oyida keng qamrovli tinchlik bitimini imzolashga tayyorligini ma’lum qilgan edi.