Falastinning G‘azo sektoridagi HAMAS harakati yetakchisi Xalil al-Hayya radikallarning qurolsizlanishiga keskin qarshi chiqdi.
Uning videomurojaati Qatarning Al Jazeera telekanali tomonidan efirga uzatilgan.
"Hamasning mavjudligi va uning qurollari bevosita ishg‘ol bilan bog‘liq. Qurol olib yurish xalqimiz vakillarining tabiiy huquqidir", - dedi al-Hayya.
Shuningdek, u Isroilning so‘nggi taklifida “ishlab bo‘lmaydigan shartlar” borligini aytdi.
Al-Hayyaning qayd etishicha, Falastinning HAMAS harakati mart oyi oxirida ilgari surgan G‘azo sektorida o‘t ochishni to‘xtatish bo‘yicha vositachilar taklifiga rozi bo‘lgan, Isroil esa belgilangan shartlarni rad etgan.
