"Galatasaroy" "Manchester Siti" yarim himoyachisi Ilkay Gyundogan transferi ustida faol ish olib bormoqda. Bu haqda jurnalist Yag‘iz Sabunjuo‘g‘li X ijtimoiy tarmog‘ida ma’lum qildi.
Turk klubi xavbekka yillik maoshi 5 mln yevroni tashkil etadigan mehnat shartnomasini taklif qilmoqda. Qayd etilishicha, mazkur bitim yakunlanish arafasida. Agar futbolchi Istanbul jamoasiga o‘tishga rozi bo‘lsa, "shaharliklar" bunga qarshilik qilmaydi va uni qo‘yib yuboradi.
Gyundogan 2016 yilning yozida "Manchester Siti"ga o‘tgan va 2023 yilgacha "shaharliklar" safida o‘ynagan, shartnoma muddati tugagach, jamoani tark etib, "Barselona"ga o‘tgan. Biroq, 2024 yilning yozida yarim himoyachi ingliz klubi bilan yana shartnoma imzoladi. Futbolchining amaldagi mehnat shartnomasi 2026 yilning yoziga qadar mo‘ljallangan.
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
Chayqovchilar Inoue-Ahmadaliyev jangi chiptalarini 13 barobar qimmatga sotishyapti
Ekspert: «Husanov bugun «Manchester Siti»ning eng yaxshi himoyachisi bo‘ldi»
