Fransiyada so‘nggi 76 yildagi eng yirik o‘rmon yong‘ini sodir bo‘ldi

Fransiya janubidagi Od departamentida 24 soat ichida 16 ming gektar maydonni qamrab olgan o‘rmon yong‘ini mamlakatda so‘nggi 76 yildagi eng yirik yong‘in bo‘ldi.

Bu haqda hukumat rahbari Fransua Bayru bilan birga mintaqaga kelgan respublika ichki ishlar vaziri Bryuno Retayo jurnalistlarga ma’lum qilgan.

"Ushbu yong‘in natijasida 1949 yildan beri eng ko‘p gektar o‘rmon yonib ketdi", — dedi vazir, uning chiqishi ijtimoiy tarmoqdagi hukumat sahifasida efirga uzatilgan.

1949 yilda Fransiya janubi-g‘arbidagi Land de Gaskon massivida sodir bo‘lgan yong‘in 50 ming gektar o‘rmonni yo‘q qilgan va 82 kishining hayotiga zomin bo‘lgan. Ichki ishlar vazirligi rahbarining so‘zlariga ko‘ra, yong‘inga qarshi kurashda 2150 nafar o‘t o‘chiruvchi va 600 birlik texnika, shuningdek, Canadair va Dash aviakompaniyalarining samolyotlari ishtirok etmoqda. "Ertadan boshlab harbiylar safarbar qilinadi: uchta vertolyot va bir necha o‘nlab askar", - deya qo‘shimcha qildi Retayo.

O‘z navbatida Bayruning ta’kidlashicha, Fransiya boshqa Yevropa Ittifoqiga a’zo davlatlardan yordam so‘rashi mumkin, agar hukumat yong‘inni o‘chirishga dosh bera olmasligini tushunsa. U sodir bo‘layotgan voqealarni “misli ko‘rilmagan miqyosdagi falokat” deb atadi.