Fransiya Makronni tanqid qilgani uchun Italiya elchisini chaqirtirdi

Fransiya Italiya elchisi Emanuela D'Alessandroni Italiya bosh vaziri o‘rinbosari Matteo Salvinining Fransiya yetakchisi Emmanuel Makronning Ukrainaga Yevropa qo‘shinlarini yuborish bo‘yicha pozisiyasini tanqid qilgani munosabati bilan chaqirtirdi.

Bu haqda Agence France-Presse xabar bermoqda.

Bungacha Salvini Makronni dubulg‘a kiyib, janglarda qatnashish uchun shaxsan Ukrainaga borishga chaqirgan.

"Elchiga bu bayonotlar mamlakatlarimiz o‘rtasidagi ishonch muhiti va tarixiy munosabatlariga, shuningdek, ikki tomonlama munosabatlardagi so‘nggi o‘zgarishlar ikki davlat pozisiyalarining, xususan, Ukrainani sobit qo‘llab-quvvatlashga oid kuchli yaqinlashuvini ko‘rsatganiga zid ekanligi eslatildi", — deb yozadi AFP manbasiga tayanib.