Firibgarlikka uchmang! «Imtihonsiz guvohnoma» haqidagi e’lonlar — shaxsiy ma’lumotlaringizga tahdid

So‘nggi vaqtlarda ijtimoiy tarmoqlar va "Telegram" messenjeri orqali “imtihonlarsiz”, “rasmiylashtirib beramiz”, “5 kun ichida olib beramiz” kabi va’dalar bilan haydovchilik guvohnomasi taklif qilayotgan xabarlar keng tarqalmoqda.

Bu kabi e’lonlar — yolg‘on va firibgarlikdir! Ular orqali fuqarolardan shaxsiy ma’lumotlar hamda pul mablag‘larini o‘g‘irlash maqsad qilingan. Bu xabarlarning hech biri rasmiy tashkilotlarga aloqador emas.

Eslatib o‘tamiz: Haydovchilik guvohnomasini olish faqat qonuniy va belgilangan rasmiy tartiblar asosida, imtihonlardan o‘tish orqali amalga oshiriladi. Hech qanday "vositachi" 5 kun ichida qonuniy guvohnoma rasmiylashtirib bera olmaydi!