Xalqaro Futbol Assosiasiyalari Federasiyasi (FIFA) 2026 yilgi Jahon chempionati yarim finalida Angliya ustidan 2:1 hisobida g‘alaba qozonganidan so‘ng, milliy terma jamoa futbolchilari maydonda Folklend orollari (Malvinas) haqidagi ibora yozilgan bannerni ko‘targani uchun Argentina Futbol Assosiasiyasiga (AFA) qarshi intizomiy ish qo‘zg‘atdi.
FIFAning tegishli bayonoti Sky jurnalisti Rob Harris tomonidan ijtimoiy tarmoq sahifasida e’lon qilindi.
Futbolchilar maydonga "Malvinas orollari argentinaliklar" yozuvi tushirilgan bannerni ko‘tarib chiqishgan.
Shuningdek, FIFA argentinaliklar Nauel Molina, Leandro Paredes va Tiago Almadaga qarshi 2026 yilgi Jahon chempionati finalida Ispaniyaga qarshi o‘yindan keyin (qo‘shimcha vaqtda 0:1) qilgan xatti-harakatlari uchun ish qo‘zg‘atgani haqida xabar berilgan. O‘yindan so‘ng Paredes avval himoyachi Erik Garsiyani bo‘ynidan bo‘g‘ib, keyin yarim himoyachi Gavini itarib yuborgan. Molina ispaniyalik Rodri g‘alabasini nishonlayotgan paytda uni yiqitishga uringan.
Argentina va Buyuk Britaniya Folklend orollari (Malvinas) bo‘yicha hududiy nizolarni davom ettirmoqda. Buenos-Ayres arxipelagni o‘z hududi deb da’vo qilmoqda, London esa 1833 yildan beri orollar ustidan nazoratni amalga oshirib kelmoqda. 1982 yilda nizo qurolli mojaroga aylanib, Britaniyaning g‘alabasi bilan yakunlandi. O‘shandan beri Argentina BMT mexanizmlari orqali orollarning maqomini qayta ko‘rib chiqishni davom ettirmoqda.
O‘n yildan so‘ng pulning ahamiyati deyarli qolmaydi
Eron 200 nafardan ortiq amerikalik harbiy xizmatchilarni yo‘q qildi
Ozarbayjon Eronga javob choralarini ko‘rdi
