Farg‘ona shahrida tabiiy gazdan noqonuniy foydalangan parrandochilik fermeri aniqlandi

O‘zenergoinspeksiya Farg‘ona viloyati hududiy boshqarmasi tomonidan o‘tkazilgan nazorat tadbirida Farg‘ona shahrida ma’muriy binoda loyiha hujjatlarisiz tarmoqqa to‘g‘ridan-to‘g‘ri ulanib, tabiiy gazdan noqonuniy foydalanib kelish holati aniqlandi.

Ushbu qoidabuzarlik natijasida gaz ta’minoti korxonasining dastlabki hisob-kitoblariga ko‘ra 293 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.