Evropa yetakchilari Parijda Rossiya-Ukraina mojarosini hal qilishni muhokama qiladi

Evropaning yetakchi davlatlari, NATO va Yevrokomissiya rahbarlari 4 sentyabr kuni Parijda uchrashib, Rossiya-Ukraina mojarosini tartibga solishni muhokama qiladi.

Bu haqda Financial Times (FT) xabar bermoqda.

Unga ko‘ra, Fransiya prezidenti Emmanuel Makron tashabbusi bilan kelasi hafta Parijda Buyuk Britaniya bosh vaziri Kir Starmer, Germaniya kansleri Fridrix Mers, NATO bosh kotibi Mark Ryutte va Yevrokomissiya rahbari Ursula fon der Lyayen o‘rtasida uchrashuv bo‘lib o‘tadi. Ular Ukraina uchun xavfsizlik kafolatlarini muhokama qilishda davom etadilar.