Eronning zarbalari Isroilning muhim joylari elektr energiyasiz qolishiga sabab bo‘ldi

Isroilning energetika infratuzilmasi ob’ektlari Eronning ballistik raketalari nishoniga aylandi.

Bu haqda Fars agentligi xabar berdi.

Agentlik hisobotida qayd etilishicha, "yuqori aniqlikdagi raketalar Isroilning muhim energetika ob’ektlariga zarba bergan". Raketa zarbasi, Fars xabariga ko‘ra, Isroil markazidagi elektr ta’minoti tizimida uzilishlarga olib keldi, shuningdek, ba’zi muhim infratuzilmalarni o‘chirib qo‘ydi.

Avvalroq Eron davlat televideniyesi Isroilning shanba kuni Islom Respublikasidagi energetika ob’ektlariga qilgan hujumlariga javoban Eron Hayfadagi neftni qayta ishlash zavodiga hujum qilgani haqida xabar bergan edi.