Eronning yana bir yuqori martabali amaldori o‘ldirildi

Eronning “Quds” maxsus bo‘linmasi rahbari Ismoil Qaaniy o‘ldirildi, deb xabar bermoqda The New York Times

Nashrning eronlik manbalariga tayanib xabar berishicha, Eron Islomiy inqilob soqchilari korpusi tarkibidagi “Quds” maxsus bo‘linmasi qo‘mondoni general Ismoil Qaaniy Isroil tomonidan mamlakat hududiga uyushtirilgan hujum oqibatida halok bo‘lgan.

General Qaaniy 2020 yilda AQSh hujumi oqibatida o‘ldirilgan Qosim Sulaymoniy o‘rniga ushbu lavozimga tayinlangan edi.