Eron AQSh bilan muzokaralarni qayta boshlash uchun o‘z shartlarini qo‘ydi

Eron sulh muzokaralarida vositachilik qilishga tayyor bo‘lgan mamlakatlarning barcha takliflarini rad etdi va diplomatik jarayonni qayta boshlash uchun Qo‘shma Shtatlardan ma’lum kafolatlarni talab qilmoqda.

Bu haqda Livanning Al Mayadeen telekanali xabar tarqatmoqda.

Uning manbalariga ko‘ra, Tehron Vashington kelajakda Islom Respublikasiga qarshi tajovuz qilmaslikni kafolatlashini, tovon puli to‘lashini va Eronning yadroviy energiya inshootlarida to‘liq yadroviy yoqilg‘i siklini joriy etishiga rozi bo‘lishini talab qilmoqda.

Avvalroq, Oliy Rahbar devonining maslahatchisi Kamal Xarazi Tehron hozirda Vashington bilan muzokaralar uchun hech qanday imkoniyat ko‘rmayotganini aytgan edi.

Eslatib o‘tamiz, Qo‘shma Shtatlar va Isroil 28 fevral kuni Eronga qarshi harbiy operasiya boshladilar. Tehronni o‘z ichiga olgan Eronning yirik shaharlariga zarba berildi. Oq uy hujumni Tehrondan kelayotgan raketa va yadroviy tahdidlarni keltirib o‘tib oqladi. Islom inqilobi qo‘riqchilari korpusi Isroildagi nishonlarga hujum qilib, keng ko‘lamli qasos operasiyasini e’lon qildi. Bahrayn, Iordaniya, Qatar, Quvayt, BAA va Saudiya Arabistonidagi AQSh nishonlariga ham zarba berildi. Eronga qilingan hujumlar natijasida Oliy Rahbar Oyatulloh Ali Xomeney va Islom Respublikasi rahbariyatidagi boshqa bir qancha muhim shaxslar halok bo‘ldi.