Eronning Isroilga javobi «aniq» bo‘ladi

Eron parlamenti spikeri Isroilning mamlakatga qilgan hujumlarini Eronning 1-oktabrdagi raketa hujumlari bilan solishtirganda muvaffaqiyatsiz bo‘lganini aytdi va Tehronning javob qaytarishiga va’da berdi.

«Sionistik rejimning G‘azo va Livanda genosid va himoyasiz bolalar va ayollarni ommaviy o‘ldirishdan boshqa yutug‘i yo‘q va bugungi kunda xalqaro maydonda hech qanday ishonch yo‘q», dedi Muhammad Bag‘ir G‘olibaf.

“Eron Islom Respublikasi o‘ziga xos qonuniy mudofaa huquqi va BMT Nizomining 51-moddasi doirasida o‘zini o‘zini himoya qilish huquqiga ega deb biladi va bu qoidabuzarlikka aniq va mulohazalarga amal qilgan holda javob beriladi," dedi Islom inqilobi qo‘riqchilari korpusining sobiq havo kuchlari qo‘mondoni.

G‘olibaf AQShni Isroilning «barcha urush jinoyatlaridagi asosiy hamkori» deb atadi va Vashington Isroilni o‘t ochishni to‘xtatishga undashi kerakligini aytdi.

Parlament spikeri mintaqaviy qo‘shnilariga Isroilning Eronga hujumlarini qoralagani uchun minnatdorchilik bildirdi.