Eron Yadro qurolini tarqatmaslik to‘g‘risidagi shartnomadan chiqadi

Eron parlamenti Yadro qurolini tarqatmaslik to‘g‘risidagi shartnomadan chiqish rejasini ishlab chiqishga kirishdi.

Bu haqda Eron deputati Husayn-Ali Hoji-Deligani so‘zlariga tayanib, Yaqin Sharq OAVlari xabar berdi.

Uning so‘zlariga ko‘ra, Yadro qurolini tarqatmaslik to‘g‘risidagi shartnomadan chiqish rejasi bugun deputatlar ko‘rib chiqishi uchun taqdim etiladi va keyingi haftada tasdiqlanadi.

"Bunda hech qanday yangilik yo‘q. Yuqorida aytganimizdek, bu bizga qarshi sanksiyalarni o‘z ichiga olgan tetik mexanizmini faollashtirish oqibatlari", - dedi u.

Tehronga ko‘ra, bu chora Buyuk Britaniya, Fransiya va Germaniya tomonidan Eron yadroviy dasturi bo‘yicha BMT tomonidan qayta-qayta sanksiyalar joriy etish tashabbusiga javobdir.