Eron TIV: "Biz AQSh bilan imkon qadar tezroq kelishuvga erishmoqchimiz"

Eron Qo‘shma Shtatlar bilan yadroviy kelishuvga imkon qadar tezroq erishmoqchi.

Bu haqda Eron tashqi ishlar vaziri o‘rinbosari Majid Taxt-Ravanchi Amerikaning NPR radiostansiyasiga bergan intervyusida ma’lum qildi.

"Biz imkon qadar tezroq kelishuvga erishishga tayyormiz. Buning amalga oshishi uchun qo‘limizdan kelgan barcha ishni qilamiz. Biz Jenevadagi muzokaralar xonasiga to‘liq halollik va xayrixohlik bilan kiramiz va amerikaliklar ham o‘zaro javob qaytarib, ijobiy yondashuvni qo‘llashiga umid qilamiz. Agar barcha tomonlarda siyosiy iroda bo‘lsa, menimcha, eng qisqa vaqt ichida kelishuvga erishish mumkin", dedi u.

Taxt-Ravanchi tomonlar qarama-qarshilikdan qochishga umid bildirdi: "Umid qilamizki, bu sodir bo‘lmaydi, lekin har qanday holatda ham, agar Eronga qarshi hujum yoki tajovuz sodir etilsa, biz mudofaa rejalarimizga muvofiq javob beramiz. Shuning uchun hamma urush boshlash mumkinligini, ammo uni tugatish oson emasligini tushunishi kerak".

Taxt-Ravanchi shuningdek, Jenevadagi bo‘lajak muzokaralar o‘tgan haftadagi kabi formatda o‘tkazilishini va faqat yadroviy masalaga bag‘ishlanishini ta’kidladi.