Eronda harbiy vertolyot bozorga qulab tushdi

Eronda harbiy vertolyotning bozorga qulab tushishi oqibatida to‘rt kishi halok bo‘ldi — Al Arabiya.

Ma’lumotlarga ko‘ra, 24 fevral kuni Eronning Isfahon viloyatida mamlakat armiyasiga tegishli vertolyot aholi gavjum bo‘lgan bozorga qulab tushgan. Halokat oqibatida vertolyot bortida bo‘lgan ikki uchuvchi, shuningdek, bozordagi ikki nafar tinch aholi vakili hayotdan ko‘z yumgan.

Rasmiylar hodisa oqibatida boshqa jabrlanganlar bor-yo‘qligiga aniqlik kiritmoqda. Halokat sabablari hozircha e’lon qilinmagan.