O‘zbekistonda ilk pulli avtomobil yo‘li Urganch–Xiva yo‘nalishida qurilmoqda

O‘zbekistondagi ilk pulli avtomobil yo‘li Urganch–Xiva yo‘nalishida barpo etilmoqda.

Mazkur loyihaning qiymati 120 million dollarni tashkil etadi. Yangi avtomobil yo‘lining uzunligi 35 kilometr bo‘lib, u to‘rt polosali asfalt-beton qoplamasida quriladi. Sutkalik o‘tkazuvchanlik quvvati 20 mingdan ortiq transport vositasiga mo‘ljallangan.

Loyiha doirasida 17 ta ko‘prik, 8 ta yo‘l o‘tkazgich, 1 ta tunnel va 5 ta maxsus o‘tish joyi qurilishi rejalashtirilgan.

Hozirda Urganch va Xiva o‘rtasidagi qatnov vaqti 45–50 daqiqani tashkil etadi. Yangi pulli yo‘l ishga tushgach, bu vaqt 15–20 daqiqagacha qisqaradi.