Eron po‘lat ishlab chiqarish quvvatining 70 foizi Isroil zarbalari natijasida yo‘q qilindi

Isroil bosh vaziri Binyamin Netanyaxuning ta’kidlashicha, AQSh bilan Eronga uyushtirilgan qo‘shma hujumlar chog‘ida mamlakat po‘lat ishlab chiqarish quvvatlarining 70 foizi yo‘q qilingan.

Netanyaxu Tel-Avivdagi "Kirya" mudofaa vazirligi majmuasida mudofaa vaziri Israel Kats, Bosh shtab boshlig‘i Eyal Zamir va oliy harbiy rahbariyat ishtirokida bo‘lib o‘tgan vaziyatni baholash yig‘ilishida nutq so‘zladi.

Uning so‘zlariga ko‘ra, iqtisodiyotning tayanch tarmoqlaridan biri bo‘lgan metallurgiya sanoatiga jiddiy talafot yetkazilgan. Isroil rahbari ushbu yo‘nalishdagi harbiy amaliyotlar to‘xtamasligini va dushmanning sanoat salohiyatini yakson qilishda davom etishlarini alohida ta’kidladi.

Netanyaxu, shuningdek, harakatlar AQSh prezidenti Donald Tramp bilan muvofiqlashtirilayotganini aytdi va hujumlar davom etishi bilan tahdid qilib, Eron rahbariyati har qachongidan ham zaiflashganini ta’kidladi.

Bundan tashqari, u Isroil Livan janubidagi ishg‘ol zonasini kengaytirayotganini ta’kidladi.