Eron "Hizbulloh"ni qurol bilan ta’minlamoqchi(mi)?

Eron Milliy xavfsizlik oliy kengashi kotibi Ali Larijoniy 13 avgust kuni Livanda "Hizbulloh" harakati qurollari bo‘yicha inqirozni hal qilish uchun muzokaralar o‘tkazadi.

Bu haqda Beyrutning Al Nahar gazetasi xabar bermoqda.

Larijoniy Livan prezidenti Jozef Aun, parlament spikeri Nabih Berri va bosh vazir Navaf Salam bilan uchrashib, ularga mamlakat birligi va mustaqilligi haqida "muhim strategik xabar" yetkazadi.

Gazetaning yozishicha, muzokaralar Livan va Eron o‘rtasidagi keskin munosabatlar sharoitida qiyin kechadi. Bundan tashqari, "Hizbulloh" guruhlari AQSh va Isroil talablariga muvofiq qurolsizlantirishdan bosh tortgach, Livandagi ichki siyosiy vaziyat sezilarli darajada yomonlashdi. Harakat tarafdorlari ommaviy ko‘cha namoyishlari o‘tkazdilar.