Eron Isroilga «o‘limli» javob zarbasini beradi va o‘zining «yashirin imkoniyatlaridan» foydalanadi, dedi Islom inqilobi qo‘riqchilari korpusi tarkibiga kiruvchi «Bosij» harbiylashgan ko‘ngillilari qo‘mondoni general-mayor Golamreza Sulaymoniy.
«Buyuk Eron xalqi hali sionistik dushmanga o‘z qudratini ko‘rsatgani yo‘q. Eron xalqi o‘z dushmanlariga qarshi kurashish uchun ulkan salohiyatni yashirmoqda. Islom inqilobining oliy rahbari aytganidek, sionistik guruh o‘z rejalarida xatoga yo‘l qo‘ygan. Ammo biz dushmanning bu xatosini tuzatamiz. Uning xatosi biz [Isroilga] halokatli zarba berishga olib keladi,» - dedi Eron generali.
