Bugun 26 may, 2020 yil, seshanba

КИР

Eron elchisi: Islom ummati va Isroil o‘rtasidagi to‘qnashuv muqarrar

Eron elchisi: Islom ummati va Isroil o‘rtasidagi to‘qnashuv muqarrar

21 may kuni Eron Islom Respublikasining Pokistondagi elchisi bir qator arab davlatlarining passiv harakatlari Falastin xalqi kurashiga putur yetkazdi, ammo Islom ummati va Isroil o‘rtasidagi to‘qnashuv bo‘lishi muqarrar, deb Eronning IRNA agentligiga xabar berdi.

Muhammad Ali Husayniy, mahalliy ommaviy axborot vositalari tomonidan nashr etilgan "Falastin masalasi: og‘zaki usuldan amaliy yordamgacha" deb nomlangan maqolasida, Islom hamkorlik tashkiloti shu paytgacha "uzoq vaqt azoblangan falastinliklarni imperial sionist rejim bo‘yinturug‘idan ozod qila olmadi" deb aytdi.

Uning ta’kidlashicha, Falastin 1922 yilda Birlashgan Millatlar Ligasi tomonidan Buyuk Britaniyaning boshqaruviga o‘tgan sobiq Usmonli hududlaridan biri. Britaniya vakolatiga Falastinda yahudiy xalqi uchun milliy uy yaratilishini qo‘llab-quvvatlovchi 1917 yilgi Balfur deklarasiyasi kiritilgan.

Diplomatning ta’kidlashicha, "ersiz xalq uchun xalqsiz yer" va AQShning mutlaq ko‘magi bilan Falastin mulkini talon-toroj qilish va bosqinchilar tomonidan falastinliklarning asosiy huquqlarining buzilishi bilan bir vaqtda bo‘lgan katta ko‘chirilishlar, oxir-oqibat sionistik rejimning o‘rnatilishiga olib keldi.

"Aslida, sionistik rejim Falastinning tub aholisining o‘z taqdirini o‘zi belgilash huquqidan foydalanmasdan, uning ruxsatisiz barpo etilgan", dedi elchi.

Uning qo‘shimcha qilishicha, sionistik rejimning shakllanishiga olib kelgan choralar xalqaro huquqqa ziddir. Millatlar Ligasi Nizomining 22-moddasiga binoan, Buyuk Britaniya Falastin ustidan suverenitetga ega emas va o‘z taqdirini o‘zi belgilash huquqini amalga oshirishga imkon berishi kerak edi, ya’ni barcha Falastin aholisi ishtirokida erkin referendum o‘tkazish lozim edi.

Kiritildi: 06:40 23.05.2020. O'qildi: 2309 marta. Fikrlar soni: 0 ta.
telegram channel
Siz o‘zingizni kuchli shifokor deb o‘ylaysizmi yoki shifokorlik sirlarini bilmoqchimisiz?
http://milliytibbiyot.uz/uz

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!