Eron AQShning harbiy harakatlarini kuzatmoqda va har qanday hujumni qaytarishga tayyor

Eron qurolli kuchlari AQShning harakatlari va harbiy tayyorgarliklarini kuzatib bormoqda hamda har qanday hujumni qaytarishga tayyor.

Bu haqda Eron Qurolli kuchlari Bosh shtabi boshlig‘i Ali Abdullohiy ma’lum qilgan.

«Agar dushmanlik harakatlari alomatlari tasdiqlansa, qurolli kuchlar raqib zarba berishini kutib o‘tirmaydi, balki javob harakatlarining vaqti va xususiyatini mustaqil ravishda belgilaydi», — deya ta’kidlagan u.

Abdullohiyning so‘zlariga ko‘ra, Eronning javobi zudlik bilan amalga oshiriladi va geografik hududlar bilan cheklanmaydi.