Eron AQShga yangi sulh shartini qo‘ydi — Livan ham kelishuvga kiritilishi talab qilinmoqda

RIA Novosti xabariga ko‘ra, Eron tashqi ishlar vaziri Abbos Aroqchi Hizbulloh rahbariyatiga yo‘llagan maktubida Tehronning yangi sulh taklifini ma’lum qildi.

Unga ko‘ra, Eron kelajakdagi har qanday sulh kelishuvi faqat Eron emas, balki Livanni ham qamrab olishini talab qilmoqda.

Xabarda aytilishicha, mazkur taklif Pokiston orqali vositachilik yo‘li bilan AQShga yetkazilgan.

Shuningdek, Tehron Hizbullohni qo‘llab-quvvatlashda davom etishini ham ta’kidlagan.