Epshteynning yordamchisi: "Trampda hech qanday nomaqbul xatti-harakat ko‘rmaganman"

AQSh Adliya vazirligi voyaga yetmaganlarni jinsiy ekspluatasiya qilishga yordam berganlikda ayblangan shov-shuvli moliyachi yordamchisi va britaniyalik tadbirkor Gisleyn Maksvellning so‘roqqa tutilgan stenogrammasi va audioyozuvlarini e’lon qildi. Bu haqda 22 avgust kuni The Daily Beast xabar berdi.

Suhbatni o‘tkazish uchun avvalroq AQSh prezidenti Donald Trampning jinoiy ishlar bo‘yicha shaxsiy advokati bo‘lib ishlagan Bosh prokuror o‘rinbosari Todd Blansh mas’ul bo‘lgan. Suhbatda Maksvell Trampning nomaqbul xatti-harakatlarini rad etdi.

"Men prezidentni hech qachon nomaqbul muhitda ko‘rmaganman. Uning atrofida bo‘lgan vaqtimda prezident hech qachon hech kim bilan noo‘rin tutmagan. U har jihatdan janob edi", deyiladi nashr stenogrammalarida.

Tanqidchilarga ko‘ra, Epshteynning yordamchisi shaxsiy manfaatlar uchun Trampni himoya qilishga urinmoqda. Maksvell hozir Texasdagi umumiy qamoqxonaga o‘tkazildi.

So‘roq paytida Maksvell Tramp va Epshteynning qanchalik yaqin ekanliklarini bilmasligini aytdi va ular do‘stona, lekin deyarli yaqin do‘st emasligini aytdi.