Elektr tarmoqlari o‘chirildi — Toshkentda 8 500, viloyatida 10 300 ta iste’molchi vaqtinchalik elektrsiz!

Noqulay ob-havo ta’sirida (kuchli shamol natijasida) Toshkent shahri va Toshkent viloyatining ayrim hududlarida elektr ta’minotida uzilish kuzatilmoqda

Toshkent shahri va viloyatidagi ayrim elektr tarmoqlari xavfsizlikni ta’minlash maqsadida qo‘lda o‘chirilgan.

Buning natijasida Toshkent shahrida 8 500 ta va Toshkent viloyatida 10 300 ta iste’molchi elektr ta’minotidan vaqtincha uzilgan.

Hozirgi vaqtda maxsus brigadalar tomonidan nosozliklarni bartaraf qilish hamda iste’molchilarning elektr ta’minotini qayta tiklash choralari ko‘rilmoqda.