Rossiya qo‘shinlari amalda yozgi hujum kampaniyasini boshlab yubordi, deb ma’lum qildi Ukraina Qurolli kuchlarining "Xarkov" operativ-taktik guruhi matbuot kotibi Pavel Shamshin telemarafon efirida.
Uning aytishicha, Rossiya muzokaralarni manipulyasiya vositasi sifatida qo‘llamoqda, tinchlikka jiddiy intilish ko‘rsatmayapti.
"Istanbulga yuborilgan delegasiya hech kimga tanish bo‘lmagan shaxslardan tarkib topgan, shuning uchun bu muzokaralarga jiddiy qarash o‘rinsiz. Biz hammamiz, ayniqsa Ukraina harbiylari, tinchlikni xohlaymiz, biroq Rossiya hech qachon o‘t ochishni to‘xtatish bo‘yicha bergan va’dalariga amal qilmagan. Odatda bu yangi hujumlarga tayyorgarlik ko‘rishning bir usuli," - dedi Shamshin.
U rossiyaliklarning kuch to‘playotganini ta’kidlab, yaqin orada sulh tuzilishiga umid qilmaslik kerakligini, chunki yozgi hujum allaqachon boshlanib bo‘lganini aytdi.
“Mikrofonga baqirish diplomatiya emas” — Lavrov
"Sizlar bizga terrorchi, biz esa sizlarga suv beramiz"
Zelenskiy Erdo‘g‘an bilan uchrashuvdan keyin matbuot anjumanida bir qator muhim bayonotlar bilan chiqdi
